تخاريف
حوار بينى وبين ناموسه (اها عادى يعنى فيها ايه عدوها بقا
)
*لو سمحتى يا استاذه ناموسه ممكن اعرف انتى ليه مستقصدانا هو احنا عملنالك حاجه
#لا يا اختى معملتيش اعملى فيها برئيه بقا
امال بترشو الاوض كل يوم قبل ما تنامو ليه وعاوزين تموتونا ليه هو احنا كفرة >
* :/ لا حضرتك .مش كفرة ولا حاجه بس بصراحه كده انتو كائن ملوش لزمه :/
#نعم يا اختى شيلى يا بت اللزمه اللى انتو فيها طب ما انتو يا مصرين كلكو ملكوش لازمه
*
(ايه ده انتى ناموسه قليله الادب صحيح)ايه الكلام ده حضرتك بقا احنا ملناش لزمه امال مين اللى هيعمر الارض
#حوشى يا اختى التعمير اللى انتو بتعمروهده انتو زحمه ع الفاضى هو انتو فاضين غير للمظاهرات والازمات ازمه جاز ازمه بنزين ازمه سكان ازمه مايه ازمه عيش ...كل عيشتكو ازمات ومظاهرات
* لا حضرتك الموضوع مش كده خالص احنا بس لسه ف فترة انتقاليه
#انتو عمركو ف فترة انتقاليه بعد الثورة فترة انتقاليه ودلوقتى فترة انتقاليه انتو شعب اصلا مش لاقى حد يلمو .. اقولك حاجه احنا اصلا مش عاوزينكو تفضو المظاهرات والازمات دى
*ايه ده انتى ناموسه مش واطنيه خالص ايه الكلام ده
#ما انتو لو فضيتو الازمات مش هيبقى فيه مظاهرات وكده مش هنشتغل
*ايه ازاى ؟ مش فاهمه
#اقولك يعنى احنا دلوقتى مش بقينا ندخل البيوت كتير ومبقيناش نستنى الشبابيك تتفتح عشان نلحق نعشش ف الاوض الشغل بقا سهل الناس هى اللى بتخرج تقعدلنا بره يعنى الشغل بقا سريع لو انتو فضيتو الازمات والوقفات كده احنا هنرجع تانى للتعب وللرش من الناس
*ههههه ده انتى طلعتى بتاعت مصلحتك
#بقولك ايه انتى رغايه اووى سلام بقا انا مش فاضيه
*ليه ان شاء الله وراكى ايه ؟
#انا رايحه الميدان
*ايه ده انتى متمرده بردو
#متمردة ايه يا اختى انا فاضيه زيكو انا عندى شغل سلام
*حتى الناموس سابه من السياسه واتجه للشغل لا حول ولا قوة الا بالله
تخريفى :p
الإثنين يونيو 08, 2015 12:18 pm من طرف ربيع العمر
