السلام عليكم ورحمة الله وبركـــاته
طبــعـاً الدراسه والإمتحانات وكده منعت كتير من الدخول والمشاركة الفعاله زى الأول وده طبعا فترة مؤقتــه إن شاء الله ومن ضمن الأسباب دى انا معتش بعمل توبيكات خــالص والردود حاجه بسيطه جداً
يلا ماعلينــــــــــا ...

طبعا كلها شهر أو حاجه قليله وندخل على فترة انتخابات الرئــاسه ويبختكـ يالى لكـ صوت ..

فهقترح عليكــوا إقتراح طبعا كلنا لازم نستفيد من وقتــنا حتى الوقت الترفيهى
( الوقت كالسيف إن لم تقطعه قطعــك) فعلشان كده عاوزين المنتدى ده يكون موضع فكر وثقافه عاليــة وطبعــا الكلام ده اتقال فى كتير من المواضيع لكتير من الأعضــاء
بس ياخساره احنــــه بنقول ومش بنفذ ...
ولو نفذنا أكيـــد هنبقى أفضـــــل من كده بكتيــــر جداًً
فعلشـــان كدهـ هطلب من كل عضو هنا معانا فى المنتدى دخل وشاف موضوعــى
إنـــــه يكتب إسم المرشح إلى فى ذهنه الى هينتخبــه .. إذا كان له صووت .
أما اذاكان زى حالتى كدهـ فهيحطـ إسم المرشح الى لو له صوت كان حطله وطبعـــا هنقول الأسباب .
ممكن نقنع حـــد برأينــا ممكن أنا شايفه حد أفضـــل أقنعكوا بيـــه والعكس صحيح .. وهكـــــذا ..
وبكده نكون نفعنــــا نفسنـــا وزادت ثقافتنـــا السياسيـــه إلى حد مــا
وبرده نفعنا بلدنـــا بــاختيار الأفضــــل
أرجوا ان ينال إعجابكوا ...

تحيـــــــــــــــــــــــــــــــاتى
السلام عليكم ورحمة الله وبركاته

والله فكره جميله

وانا هصوت ل (احمد شفييق)

لان بابا الحاج على يعنى

اقنعنى بيه لانه كان ف الجييش يعنى ويعرف كتيير عنه

وبيقول انه راجل ملتزم وفاهم ومتعلم ده اخرى وعلى فكره انا ممكن اقتنع بغيره بسهووله خاااااالص

هما قالوا انهم البرنامج الانتخابى لكل مرشح هيبدا ينزل من يوم 2 الشهر الجاى

فانا هستنى لما اعرف تفكير كل واحد فيهم بعدين اقولك راىى


وفكره ممتاااااااااااز


وعارفه بقى لو تعملي تصويت تبقى حاجه لذيذه

انا عاوزه الى من الاخوان المسلمون الى فيهم ههو حاجه موسى مش فاكره

امال نسيبها توووووووولع

أولاً أحب أرد على البوب الى بيقول هيدى هصوته لأحمد شفيق ...
......
أولاً احمد شفيق دهـ فلول من أتباع حسنى مباركـ والثورة قامت علشان تلغى الفساده وتمحيه وتقلع من جذورة .. بس للأسف الشديد جذورة لسه موجوده فاحنا بقى دورنا فى انتخابات دى اننا نقلع مش نرويه ويكبر ويعيد التاريخ نفسه ..

ثانيــاً أكبر دليل ان البنى أدم ده لسه عاوزها تزوير فتزوير انه زور 500 توكيـل والدليل
........................
الفريق أحمد شفيق مرشح الرئاسة

كتب - صبرى سراج:

تقدم منسقو حملات دعم مرشحى الرئاسة بالأقصر، الخميس، ببلاغ حمل الرقم 1222 لسنة 2012 إدارى يتهمون فيه موظفي الشهر العقارى بالأقصر بتزوير أكثر من 500 توكيل للمرشح المحتمل أحمد شفيق، آخر رئيس وزراء في عهد الرئيس المخلوع، وطالبوا فى بلاغهم بالتحفظ على دفتر توثيق التوقيعات ودفتر المأموريات، بالإضافة إلى كافة الدفاتر الخاصة بعملية توثيق التوكيلات الرئاسية.

وتقدم بسام أحمد سيد أحمد عن حملة الدكتور سليم العوا، والدكتور إبراهيم عبداللطيف عن حملة الدكتور عبدالمنعم أبوالفتوح، والسيد مصطفى على عطية المستشار القانونى لحملة الشيخ صلاح أبو اسماعيل ببلاغ ذكروا فيه تزوير أكثر من 500 توكيل لصالح الفريق أحمد شفيق.

وتم إحالة البلاغ للنيابة للتحقيق الفورى فى الواقعة
.......................................
هاااااااااا واحد عاوز يبقى مسئول عن دوله وعاوزين نبدأها بخير وأمان هو بدأها تزوير وكمان ياريت بقى معاه الحكم لا ده لسه مدخلش الرئاسه .. تخيل بقى لو دخل هيعمل اى
......
وبعدين ده متقدم ضده 23 قضيـــة فهو دهـ مش الاصلح لبلدنا وبعدين احنه عاوزين مرشح اسلامى يطبق الشريعه صح علشان لو مفيش مرشح اسلامى هيبقى حالنا هو هو السرقه والنهب والتقتيل والجرايييم البششعه الى احنه بنسمعها وبنشوفها كل يوم وفى كل لحظه عايشنها
الحرامى لو اتقطع ايده هيرجع يسرق ،،، لو عرف ان لو سرق ايده هتتقطع هيتجرأ يسرق ،، منظره هيبقى عامل ازاى وهو بإيد واحدهـ وهيبقى معروف ان دهـ سرق
مظنش ... زمان الناس كانت بتنام والأبواب مفتوحه علشان كان فيه أمن ونظــام وإسلام لكن إحنه دلوقتى مسلمين بلا إسلام كله بيقتل فى بعض علشان اغراض شخصيه وأسباب تافهه
....
رجاء انكـ تكون اقتنعت وبعدين غلط انكـ رأيكـ يتغير على حسب الى يتكلم معاكـ
شايف إنكـ صح وتفكريك منطقى خليك برأيكـ مش برأى حد ..

أما أيس جيرل الى بتقول ان المرشحين كلهم داخلين لأغراض شخصيه فده غلطـ
مش هقولكـ كلهم داخلين للبلد بس هقولكـ فيه وفيــه بس الى انتى عاوزه تحطيله صوتك هو دهـ من الى داخلين لأغراض شخصيــه وبعدين دهـ شيعى هتحطيله صوتكـ ازاى
استنى لما لبرنامج الانتخابى ينزل زى ماستار بيقول وحطى زى منتى عاوزهـ على حسب اقتناعكـ الفكرى به
...
انا اصلا مش عارفه فيه مجازر على انتخابات الرئاسه دى لييه والله العظيم الى يعرق العقاب والذنوب الى هياخدها بسبب المسئولية لو مقدهاااااش صح لو معرفش يدى كل حد حقــه
تخيلى كم قرية وكم بلد وكم مدينه وكم وكم وكم فى مصـــر 85 مليون مصـــــرى
تخيــلى مدى العبىء الى علـيــه ..
سيدنا عمر مكانش بينام خوف ان يكون حد جعان ومش عارف ينام كان لما الناس تنام يطلع يمشى فى الشوارع يشوف لو حد محتاج علشان عارف انه مسئول عن الناس دى لكن زمان الى ينهب أكتر يبقى هو الشـــاطر
الى يعرف يستغل فلوس الدوله لصالحه ولأغراضه الشخصيه يبقى بيعيش حياته صح
حسبى الله ونعم الوكيل

محمد موسى

يابنتى افهمى قولتلك محمد المرسسسسسى يانا عليكـى دنتى طرشه هههه

هههه أيش جيرل تفائلى خير ربنا يخليكى

يا بنتى ما انا عارفه بس بستعبط هو انتى رديتى عليا

فإيه يابسبوسه ؟

بحسبك بتكلمينى لما بتقولى ما انا قولتلك محمد موسى
لانى فوق قولت هو واحد من الاخوان فيه حاجه موسى

ان شاء الله خير
ولا تزعلى

هاااا ياجماعه مفيش حد منكوا ليه صوت
وإذا كنت مش لك صوت ملكش رأأى ؟؟؟

كده هنعمل بسكل وملك

ههههههههههههههه
اه يلا يا ستار