بحبك وانا كمان

زائر

واتفزعت لما لقيت ايدي جوة الحيط :

قمت من النوم فجأة
في عيني نور غريب وقوي جدا ، استغربت النور ده كله جي منين ، واندهشت لما
لقيت الساعة بتشاور الساعة 3 صباحا ، وان مصباح الغرفة مطفي طب النور ده
كله جي منين ؟ واتفزعت لما لقيت نص ايدي جوة الحيطة شديتها بسرعة خرجت وانا
ببصلها بكل اندهاش رجعتها تاني لقيتها دخلت جو الحيطة استغربت ايه اللي
بيحصلي ده وسمعت صوت ضحك بصيت نحيته لقيت اخويا نايم جنبي لقيته بيحلم انه
راكب عربية آخر موديل وانه رايح حفلة كبيرة قوي لناس اغنياء قوي ولابس اغلي
واشيك لبس علشان يكون احلي واحد في الحفلة وكان يضحك وفرحان ابتسمت وبعدين
اتفزعت من اللي بيحصل وقمت من السرير وجريت علي اوضة ماما وبابا واقعدت
اصحي ماما واطبطب عليها واناديها بس هي مش بتستجيب قعدت اناديها كتير
واطبطب كتير ولقيتها فجأة قامت كانت مخضوضة قوي وبتبص يمين وشمال قولتلها
يا ماما انتي مش شايفاني لقيتها مش بترض ولا بتبصلي قعدت انادي ماما ماما
كانت حاطة ايدها علي قلبها وبتقول بسم الله الرحمن الرحيم ولقيتها بتطبطب
علي بابا وبتصحيه وقام قالت له قوم نطمن علي الاولاد ، قالها ده وقته قالت
له معلش قلبي مش مطمن في حاجة غريبة وانا واقف مستغرب ، قعدت اقول لها يا
ماما انا اهو يا ماما انتي مش شايفاني يا ماما ، قامت ومشت حاولت امسك
هدومها لكن الهدوم مش بتتمسك جريت وقعدت قدامها عدت من جوايا ، ملقتش غير
اني امشي وراها ، وبابا كان ورانا محاولتش ابصله عشان ميتجاهلنيش بردو ،
دخلت امي الاوضة وفتحت النور مكنش عندي فرق لأن الالدنيا كانت منورة اصلا ،
واتفزعت لما لقتني نايم علي السرير ، واقعدت ابص لجسمي وايدي وانا مستغرب ،
انا ازاي بقيت اتنين ؟؟! انا فين ... ومين اللي نايم علي السرير ... وانا
مكنتش انا ، وقطع استغرابي جملة بابا استريحي يا ستي أهم نايمين اهم ، لكن
هي قالت له " معلش انا عايزة اطمن علي محمد " ولاقيتها بتقرب مني قصدي من
الشخص اللي نايم مكاني بتطبطب عليه كانت بتقول " يا محمد " لكن مش بيرد
وكانت بتطبطب بشويش وبدأت تهز جامد جريت ليها وقولتلها " يا ماما أنا اهو
ردي عليا " لكن صوتها كان بيزيد فوق وكان بيعلى وكانت بتناديني " ...محمد
....محمد ..." وفجأة صرخت ولاقيت الصرخة بتوجعني اوي كأنها بتضربني بكيت
وقولتلها متصرخيش وهي بتقول محمد ، بابا جري عليا وحط ايده علي وشي وصرخ
وبكي وحسيت بالوجع تاني وانا مش عارف اعمله ايه ، اخويا صحي علي الصوت وهو
بيسأل في ايه ؟ وماما صرخت ....أخوك مات يا أحمد وانا بقولها ببكاءي لا
والله يا ماما شوفيني انتي مش سمعاني ، لكن مفيش أمل بصيت للسماء وقولت يا
رب إيه اللي بيحصل ده ؟ لكن ملقتش سقف وشفت ناس ولما شوفتهم مشيوا ، وحسيت
بطعنة غريبة وحاجات بتقطعني بصيت لأحمد لاقيته بيصرخ بالعقل قولتله اسكت
انت بتعذبني لكن كان بيزيد في الصراخ وماما بتبكي في حضن بابا والنحيب
بيزيد ، وقفت قدامهم متعجب ومذهول رفعت راسي تاني وقلت يا رب ايه اللي
بيحصل ده يا رب في إيه ؟ وسمعت صوت من كل حتة كان جي من بعيد ركزت معاه
لاقيته بيعلا وبيزيد وكأنه قرآن ..أيوة قرآن ..والصوت بدأ يقوي قوي هزني من
شدته كان بيقول " لقد كنت في غفلة من هذا فكشفنا عنك غظاءك فبصرك اليوم حديد
" ومع ذهولي من الصوت لاقيت ايدين بتطبطب علي اتنين شكلهم مش من البشر
بيقولولي تعالى ... انتم مين ، عاوزين مني ايه ؟ شدوني صرخت سيبوني
متخدونيش من اهلي ، أهلي فاكريني مت .. قالولي ما انت مت .. قلتلهم ازاي ما
انا شايفكم اهو بتكلم وحاسس بكل حاجة.. وابتسموا وقالوا عجيب أمركم يا بشر
كلكم فاكرين إن الموت نهاية الحياة ومتعرفوش ان حايتكم موت وحلم طويل
هتصحوا منه علي اليوم ده علي العالم ده.. سألتهم أنا فين وانتوا واخديني
علي فين ؟ قالولي احنا حراسك لحد القبر اتفزعت .. قلت إيه انتوا هتدخلوني
القبر.. ردوا كل انسان لازم يدخل القبر... بس انا عمري ما دخلت الفبر ...
ده مكتوب علي كل البشر ... طول عمري كنت بكره الكلمة دي ومبحبش اسمعها
وبأستعيذ بالله منها بحاول انساها مكنتش بقدر اتخيل نفسي في المكان الصعب
ده ..سألتهم بخوفي هتسيبوني قالولي مع عملك ، طيب وعملي ده كويس ... سكتوا
ولقيت واحد بيرخ ويبكي وواحد تاني سعيد قوي وكل واحد فيهم واقف ومعاه اتنين
برضو زي اللي معايا سألتهم ده بيبكي ليه ده قالوا ده عاف مصيره طول عمره
كان من اهل الضلال قلت يعني رايح النار واللي بيضحك ده رايح الجنة ؟ طيب
انا رايح علي فين ؟ قالولي وردو عليا هم كانوا عارفين هما إيه في الدنيا ،
ودلوقتي عارفين هما فين في الآخرة . وانت عشت طول عمرك تايه متردد شوية
تمشي صح وشوية تمشي غلط ، شوية تتوب وترجع تعصي تاني ماكنتش واضح هتفضل
برضو النهاردة تايه مش عارف حاجةاتفزعت وقلت ايه يعني ايه انا رايح النار ؟
قالولي رحمة ربنا واسعة ولسة الرحلة طويلة بصيت ورايا لقيت ناس كتيير
وابويا واخويا ماشيين ووراهم امي واهلي بيبكوا شايلين صندوق جريت عليهم
ناديت محدش بيرد ناديت علي امي قلتلها يا امي ما تبكيش ادعيلي ناديت علي بابا قولت له يا بابا خلي بالك من امي واخويا ، ناديت علي أحمد قولتله يا أحمد خلي بالك من نفيبك من الدنيا وها دي رخيصة صدقني ومش هتنفعك
ناديتهم كلهم بس كانوا مشغولين بالبكاء ومحدش سامعني مكنتش بتمني حاجة في
اللحظة دي إلا انهم يسمعوني وشدني المكلين ونزلوني القبر ونيموني فوق الجسد
علشان اشوفهم وهما بيودعوني وخوفي عليهم أنهم مش حاسين باللي انا حاسس بيه
وحسدي ليهم انهم لسه في الدنيا بس للأسف كنت ببكي وهما بيبكوا كنت خايف
عليهم من الدنيا قوي واتمني لو اصرخ ولو يسمعوني

قصة أثرت فيا جامد فحبيت انقلها لكم

بجد موضوع روووووووووعه

جزاك الله كل خير

بس الأهم نعمل بالموضوع ده ونستفيد

مش فاهمه حاجه خااااااااااااااص
ه

هههههههههههههههههه

زائر

ميرسى سا ماجيك لمرورك

حكايه انتى اخبارك ايه

الحمد لله

بس بجد مش فاهمه حاجه

زائر

ليه ما تقريها كويس

دا الموضوع دا عاوز نظاره شمس او نظر

اممم
موضوع بجد ف قمة الروعه
يارب بس اعمل به

زائر

ربنا معاكى يا عاشقه نورتينى يا قمر

ايه يا زهرة كده تمام

» بحثت . ما لقيت . أجمل . من . كلمة .

المنتدى الاسلامى العام

الشعر والرويات

عالم الكمبيوتر

مسابقات ولعب وفوازير

تحميل احدث الالعاب

(حكم وامثال)

صور جامده

الرياضه العالميه

{..عـآلـم الأزيـآء والموضـة ..}

السياحه والسفر

موبايلى

تصاميم والجرافيكس

بحبك وانا كمان

اتفزعت لما لقيت ايدى جوه الحيط؟؟؟؟؟؟؟؟؟؟