السلام عليكم ورحمة الله
تحية طيبة للجميع وكل عام وانتم
بخير بمناسبة اقتراب شهر رمضان
الكريم
وندخل فى الموضوع بقى
أولا ربنا يبارك لللجميع فى والديه
أنا هحكى حكاية بسيطه وعلى أساسها هنتناقش فى الموضوع
انا اعرف واحده كانت متزوجة لكن مع الأسف
منذ سنوات وهى فى خلاف مع زوجها وطلقها فى التليفون من خارج مصر
وعانت الكثير حتى حصلت على الطلاق
الرسمى
لكن حاليا فى انسان كويس اتقدملها
هو كمان مطلق وأصغر منها بخمس سنين
لكن المشكلة ليست فارق السن
هو معندوش مشكلة ابدا فى ذلك
لكن المشكلة فى ابنها الاكبر هو
لسة مخلص الثانوية وهيدخل كلية
بأذن الله
بالرغم من ان والدة تزوج قبل حتى ما تقدر والدته تثبت الطلاق
لكن شايف ان زواج والدته حاجة كبيرة وعيبة فى حقه
مع انها فى سن الاربعين
وكمان تقريبا معظم حياتها وكأنها لم تتزوج
من كثرة سفر الزوج
وهو ده سؤالى ليه الابناء بيستكبروا
موضوع زواج الام مرة أخرى
وبيشوفوا ان ده شئ معيب
أى حد فينا لو اتعرض لموقف زى ده
صديقك ولا صديقتك
جأت تقول الحقونى ماما جالها عريس
هيكون ردكم ايه ورأيكم ايه فى الموضوع
ولية نظرة المجتمع للمطلقة والآرمله انها اتزوجت مرة خلاص
تقعد تربى عيالها بقى ومتفكرش فى الزواج وخصوصا اللى بيكون أحد أبنائها
كبار شوية وشايفين انهم كبروا على ان أمهم تتزوج تانى
أنا شايفة انه ده شرع ربنا وحق للجميع
انتم بقى شايفين ايه
فى انتظار تفاعلكم
وأكرر تانى غير مسموح بالشكر فقط
الشكر والثناء عندى هو المشاركة بأرائكم فى الموضوع
الحقيقه مكنتش عارفه اكتبه فى اى قسم للأسف
ودمتم بكل الخير
وبالتوفيق للجميع