السلام وعليكم رحمة الله وبركاته
حوار بين اب وابنه في زمننا
الأب : يا ولد
الابن (و بكل براءة) : نعم
الأب: نعمة لما ترفسك
الابن:ليه ايه اللى عملته؟ الأب: عملك اسود ومهبب
الابن :هو انا قلت حاجه؟الأب:لا كان ناقص تقول كمان.. أوقف عدل يا حيوان
الابن : حاضر
الأم: يحضروا على قبرك.. لما أبوك يتكلم إنت تخرس
الابن: أخرس؟؟ الأب: أيوة خرسة تخرسك ان شاءالله
الابن: ماشي
الأم: مشش فى ركبك
الابن : ايه مشش دى؟الأب: أما إنك قليل الادب وبترد على امك كمان؟
الابن: انا رديت على إمي؟ ياما ماتقوليله حاجة
الأم: ...أخرس ياض
الابن (( غلب على امره و سكت))
الأب: أما جيل قليل حيا صحيح...بتكلم ومبتردش عليا اتخرست ليه كتك خرسة تخرسك
الابن:يعنى اقول لو اتكلمت بتشوفوا كلامى غلط
الأب: ليه ياض شايفنا عُومى ولا شايفنى أحول ومش بشوف؟
الابن: لا اله الا الله
الأم : الله ياخدك ويريحنا منك.. يا ريتني خلفت ابن الجيران و لا خلفتك
الأب: انا مش عارف الواد ده طالع لمين.. لا وشايف نفسك راجل اوى؟
الابن:طيب يعنى اعمل ايه عشان تشوفنى راجل؟
الأب: إن شالله ما تطيب.. اخرس
الابن: يا ااااااااااااااااااااارربي خلاص ممكن أمشى؟ انتم نادتونى ليه أصلا؟
الأم: آه صحيح انت ليه ناديت على الواد؟
الأب: تصدقى .... نسيت.. مش عارف... خلص امشى غور كتك الارف

kef law ino 3il she lissa la mat il misken hhhhhhhhhhhhhhhhhhhhhhh

ههههههههههههههههههههههه
جمييييل جدا
مرسى ليك

يا حراااااااااااااااااام
الواددا سعب عليا بجد
هههههههه

ميرسى كتير

هههههههه


شفتوا الاجيال القديمه بتحقد علينا ازاى

هههههههههههههههههههه بعين هو الله

هههههههههههههههههههههههههه