السلام عليكم كل اخواتي وصحابي فالمنتدي الكيوت اوي ده....اانا قبل متيجي ع بالي فكره

الموضوع اترددت كتير والله..وقولت..شور ان الموضوع مش مهم لمعظم الناس بس فالنهايه

قولت انه فوقتنا الحالي بقي موضوع حيوي جدااااااااا..عموما مش هطول عليكوا..التوبيك

بتاعي عن الحب ...واحد هيسالني ع كده انته فالنتينو ؟؟ هقولك لا والله ابدا بس ده من وعن

قناعاتي الشخصيه وفكرتي عن الموضوع ده ع الرغم من اني مكنش ليا غير تجربه وحيده مع

الجنس الاخر وباءت بالفشل والحمد لله ههههههههههههه


فالبدايه كده احب اعرف الحب ؟؟؟

الحب هو عباره عن احساس متبادل بين طرفين ...ولازم الطرفين يحسوا نفس الاحساس لانه لو كان من طرف واحد يبقي في رايي الشخصي ده مش حب..

بس هنا المشاعر بتختلف من كابلز ل كابلز اخر وده طبيعي جداااااااا لان الحب شي نسبي متغير ...

طب وتغيراته دي ايه اللي بياثر فيها يا محمود ؟؟؟؟؟؟؟؟؟

اولا ؛؛ طريقه التعارف يعني بالبلدي كده عرفتيه ازاي ؟؟؟

( جارك_اخو واحد صحبتك_فالشارع_ف كافيه_فالجامعه_ا........الخ )

لاحظوا اني مذكرتش علاقات النت ولاحظو كمان اني بخاطب لسان البنت !!!!!!!!!!
عارفين ليه ؟؟؟؟ لان هيا سيده العلاقه ...بمعني ايه ؟؟؟؟؟؟


يعني انها هيا اللي بتجبر الشخص اللي قدامها انه يحترمها او تنزل من نظره او توصل الي انه يسي اليها كمان والله

ومن خلال دخولك لاي مجتمع تاني (جديد يعني) بتحددي باسلوبك وباستايل كلامك ازاي هيعاموكي فيما بعد وده من خلال اول انطباع ليهم عنك

وياريت كل بنت تركز فاول انطباع ده بالذات اوي

وع فكره الانطباع ده العامي الاساسي المؤثر يها هيا البيئه اللي انتي نشاتي فيها وع هذا الاساس بتتقرر مصير كل العلاقات مع الناس اللي حوليكي

سيان بقي كان حبيبت اخ زميل صاحب صديق اي حاجه يعني
هتقوليلي ازاي ؟؟؟؟

هقولك يعني في بنت بتشوف كلام الولاد ده غلط وعيب وحرام... واحده تانيه بتشوفه صح وحلال مدام في حدود الادب واطار شخصيتها اللي متسمحلهاش باكتر من كده..


واحده تالته شايفه عادي وايزي وفري حتي ولو وصل الي الهزار والضحك بمد الايد كمان

وهنا تفاوت برده في العامل البيئي وع اساس تدين الاهل وكده والظروف اللي مرت بيها
هنسيب النقطه دي دلوقتي ....



العامل التاني اللي بياثر في العلاقه بينك وبين الشخص ده هو عامل مهم جدا جدا جدا
وهو مقدار تقبلك لحب هتقوليلي يعني ايه مش فاهمه ؟؟؟؟

هقولك ببساطه خااااالص وجمله اعتبروها قاعده يا جماعه والله العظيم

لو انتي بتدوري عالحب او انته بتدور عالحب ؟؟ يبقي اللهم انكم هتلبسوا فالحيطه
يعني هتوصوا لشارع مقفول

يعني ايه ؟؟؟ يعني كونك بتدوؤري عالحب فده فحد ذاته كارثه


مش حوار انه حرام وكده لالالالا خالص ...بس الانسان مننا لما بيدور ع حاجه خاصتنا لو كانت حاجه مهمه اوي زي الحب

حاجه تحسسه بكيانه ..بيغمي عنيه ..فالمصير بيكون محتوم..
عارفين ايه اجمل ما في الحب ؟؟؟؟؟؟؟؟

انه يجي صدفه ..وميكونش مترتبله ولا اي حاجه

طبعا فاكرين عبد الحليم حافظ ولبني عبد العزيز في فيلم المخده الفاضيه ده ههههههههههههههههه

كانوا عبد الحليم بيفضل رايح جي تتح بلكونتها علشان بس يشوفها


انا عن نفسي والله تجربتي كانت مع بنت جارتنا هيا مش جارتنا اوي يعني بس كنت بحبها الكلام ده من زمان ..كنت فاولي ثانوي..عمري مكلمتها


طبعا كله هيفتح بوقه ويقولي ازاي ؟ هقولك كنت بحبها وهيا كمان من نظراتها كنت متاكد انها بتحبني

بس اخلاقنا فالوقت ده مكانتش تسمح باننا نتكلم ابداااااااااااااااااااااا

وبعدها بسنه ولا اتنين اتفنش الحوار ودخلت هيا كليه من كليات القمه اللي اوي اوي يعني
واكتشفت ان الحوار فكسان هههههههههههههه

نرجع لموضوعنا

في نوع من البنات بتبقي مش عايزه تحب او خايفه تحب وده نوع صعب نوعا ما ... ع الولد اللي عاوز يتسلي انه يعرف يوقعها

ازاي بقي ؟؟؟ شوفي...رفضك للحب ده ليه 3 اسباب اولا حالات وملهمش رابعه

وكل ده من تفسيري الشخصي وقناعاتي الشخصيه يعني ممكن اكون غلط او صح
المهم هذكر ال3 حجات دول

الحاله الاولي<<< دي بنت بتبقي رافضه الحب كمبدا او بمعني اصح واشمل مش مؤمنه بوجوده فحياتنا اصلاااااااااااااا

ومش بتعرف غير نوع واحد من الحب ؟؟ حبها لخطيبها اللي هيكون جوزها

ودي نصيحه من اخ لاخوه فكك منها لانك مش هتعرف تشتغلها او تسلك معاها
ودي نسبه تقبلها للحب 20% وغير قابله للزياده تحت اي ظرف...



الحاله التانيه >>>>>> ودي بتبقي بنوته حساسه اووووي ..ودي بتبقي خاصت تجربه قبل

كده وخسرت حجات كتير اوي ...ومعندهاش استعداد تخسر اي حاجه تاني


فالبنت دي بتفرمل كل ما تحس ان قلبها بدا يدق او بتخاف شويه

ودي هقولك حرام عليك لو فكرت تجرحها تاني... ودي نسبه تقبلها للحب 55% قابله للزياده الطفيفه


الحاله التالته >>>>>>
هيا بنوته بتبقي مخاضتش اي تجربه ودي ع فكره نوع نادر اوي


اغلب الظن انها بتبقي ملقتش الانسان اللي يحرك مشاعرها او توافق شخصياتهم مع بعض او بالبلدي الانسان اللي تلاقي نفسها متسستمه معاه

وده لانها بتحلم بشخص ليه صفات معينه ...والغريب فالبنت دي انها سعات بتتنازل عن حاجه مش حلوه فشخصيه الشخص ده

في مقابل انها لقت حاجه بتحبها اووووووووي ...ودي نسبه تقبلها للحب 75% قابله للزياده برده

بس احلي حاجه بتعجبني فالبنت دي انها بتفكر بعقلها وقلبها مع بعض
وبكده ال3 حالات خلصوا

بس فالاخر احب اضيف حاجه مهمه للبنت ان ضيفي لكل العوامل اللي ذكرتها فوق عامل مهم جدااااا

وهو الارتياح النفسي..يعني انا عن نفسي سعات اشوف شخص لاول مره
بحس انطباعين لا ثالث لهما

يا احبه يا اقفل منه
المهم فنهايه كلامي بدعي يارب اشوف كلنا سعداء وعايشين الحياه صح ومحدش فينا يتجرح ابداااااااااا

وان الكدابين يبققوا قله قليله جدااااااااااااااااا

وانا متكلمتش عن الولاد لانهم مشاء الله سوابقهم اسود فاسود هههههههههههههههه
لالا بهزر والله بالعكس في ولاد محترمين جدااااااااااااااا

وفي زباله طبعا

وهيا دي سنه الحياه ..لان رسولنا الكريم قال >الخير سيبقي في وفي امتي الي يوم الدين> صدق رسول الله صلي الله عليه وسلم

يعني استحاله نكون كلنا ملايكه والا هنكون فالجنه مش فالارض

واستحاله العكس لانها برده هتكون جحيم

وفالنهايه يااااااارب موضوع يكون عجبكم واتمني مشاركت حضارتكم بالردود

ونتاقش بالراي..لاني والله بحب النقد البناء جدااااااااااااا... وكلنا هنستفيد انشاء الله

لكن دخول سايلنت هموووووتكم دنا صوابعي اتكسرت من كتر الكتابه هههههههههههه
طبعا فداااكم والله يا اعضاء المنتدي الغالي تسلمولي

تحيااااااااتي للجميع

اخوكم محمود

جميــــــــل جميـــــــــل جميـــــــــل

حلو الموضوع