هزااااااااااااااااااااار


كان هزااااااااااااااااااااار




كان هزار
دا كان كلام وفي الهوا طار
لا يستاهل الحزن دا ولا المرار


مع ذلك الكلام سكت
ولقيتها في حضني أترمت
وبنهر دموعها بكت


قالتلي أنا خفت
بعد ما بعيوني الفرح شفت
تصحيني وألاقيك أيديا سبت
لأ ياريت قبلها أكون متّ


وبحاول أهدّيها وأطبطب
وحاجات جوايا باكتب
وحاجات عليها باشطب
أصل كنت عليها باكدب


أصلها مكانش هزار
أصلها أتعلقة بيا
وأنا كنت بالعب بيها
وأمله بقي فيّا
وثبت عليّا عينيها


وأستغربت من نَفسي
دا أنا كنت بقول نِفسي
أسيبها وأشم نَفَسي


كنت فاكر خانقنني بحبها
طلعت أنا تاعبها وسبب غلبها


بس في الاخر معرفتش أسيبها
أصل أنا أحترت ألاقي عيبها
وبعدين خفت عليها حتي الجرح يصيبها


خفت تتعكر روح زي وش المية صافية
خفت يبرد وتضيع منها المشاعر الدافية
دا كانت حنينه عليا ولا عندها حاجة بالعافية


شكلي حبيتها
وياريت قلبي كنت هاديتها
من الأول


بس ملحوقة
دا أنا أخليها جنبي وأنسيها الهم
ولا يطلع مني كلام يجرح أو كلام سم


حتي
لو كان
هزار................