[[center]color=black]كنت بكل حالاتك قابلك[/color]
تفرحى قابلك .. تزعلى قابلك .. تتقلى قابلك
كنتى الارض وكنت سنابلك
كنتى الحرب وكنت قنابلك
حتى فى بُعدك وانتى مسافرة وبينى وبينك الف محطة
كنت بقابلك !!!!!!!!!!!
عمرى يا (قلبى) ما قلبى اتنازل ولا ساب حقه زى ما ســـــابلك
عمره ما ضحى بسهره وسهده وجاب من عمره زى ما جــــابلك
تشهد عليكى شبابيكك اللى فتحتيها علشانى فى نص الليل وعز البرد
يشهد عليكى محل الهدايا اللى جمب بيتك وكُشك الورد
تشهد عليكى هدومك اللى قولتلك ما تلبسيهاش
تشهد عليكى امتحاناتى اللى علشانك ما دخلتهاش
كنت عايش جوة قلبك حلم دافى
كنت بنسى الناس واجيلك يوم معادك حتى حافى
كنت ابسط من البسيط
واكتشفت انى فى هواكى كنت دون الناس عبيط ..!![/center]
الإثنين يونيو 08, 2015 12:18 pm من طرف ربيع العمر
