الشاعرة ايمان بكري



لما نقول ع اللص شِــريف


عبده تلوث يبقي نضيف

و اما الحيلة يقول و انا مالي

عاوز اكوش ع اللي ف بالي

و اللي سارقنا نقوله يا غالي

يبقي نسمي الوضع دا ايه؟؟

طيب لما تحس انك مزنوق

عايش جوا وطن مسروق

و لا عافية بتنفع و لا ذوق

قولي جنابك تعمل ايه؟؟

و اما تلاقي جيوبك فاضية

او مهزوم بالضربة القاضية

و بيدوروا ع الحتة الفاضية

حتخبيها ازاي و بايه؟؟

انا راح اقولك تعمل ايه

تشرب شوربة عمو مفيد

تقوي و تقوي بالتأكيد

عز يعزك

تلقي سرور قال العدلي يجيب مسرور

ييجوا البعدا يغموا عنيك

و يصوتوا من بدري عليك

تفضل تصرخ من غير صوت

حلمك حبة بحبة يموت

تكبر زي نبات الضل

جواك حقد و يأس و غل

دمك يتقل تبقي ممل

فتبقي ف حزب من الاحزاب

او عضو ف مجلس كداب

تاخد حقك بالاجماع

و الاحزاب اربع انواع

حزب الوز

و حزب الهز

و حزب العز

و حزب الطز



انا ارشحلك حزب الطز

و الدستور اياه بينص

انك حي و ميت

طزززززززززززززززز


...............

جمبله بجد ياسما تسلمى على هذا الطرح

روعة يا سما

مشكورررررررررة

تسلموا يا جماعة بجد

نورتوا التوبيك

روووووووووووووووعه

انتى الاروع يا قمر

تسلمى

و اللي سارقنا نقوله يا غالي

يبقي نسمي الوضع دا ايه؟؟


رووووووووووووووووووعه

ميرسى يا استار نورت التوبيك
انت الاروع