مـــــــــصــــــــر
مصر يابا جنه عمرها ما كانت غابه
مصر يابا اهلها حبايب مش ديابه
مصر مش مجرد اسم دوله
مصر دى حضاره وكرامه وكمان انسانيه
مصر حبيبتى طول عمرها بهيه
صوتها عالى عمرها ما كانت منسيه
مصر دى عشق جوه القلوب محفوره ومتداريه
شعبها اصيل عاشق الحريه
مخلاص راح زمن الملايين المنسيه
وجه زمن شباب الحريه
رجعونا لزمن ناصر
شعب اصيل بيحب يغامر
وعلشان كلمة حق يعمل ثوره فى كل شارع
ويلف ويقول زمن الحريه راجع راجع
سكتنا سنين وقلنا السكات مش نافع
طلعنا بعلو الصوت وقلنا يا مصرى زمانك راجع
اطلع للعالم وانت لراسك رافع
مهو انت صاحب حق وعليه بتدافع
ثورتنا دى كانت فكره
قلنا نحققها ونعيش بكره
نعيش احرار ونكون زكرى
وارجع اقول يابا دى مصر غاليه علينا
دى هى املنا وعلى الحانها ياما غنينا
حتى صوت الفرحه بيثور جوانا
خلاص يابا زمنا ده زمن فجر الحريه
ونهارنا هيكون امل الشعوب العربيه
وتحيا مصر وتحيا الحريه