إنفجار ونار

حقد كمان وعار

أوعى تقول شطار

دول أكيد أشرار




بقيت فى حالة أنبهار

معقول يامصر

توصلك النار

يامصر ياحصن

ياقلعة الاحرار




يامصر دايما

جرس كنيسة

وصوت آدان

رسولنا الكريم

والسيد المسيح إخوان




وحسن وجرجس

من زمان فى مكان

أرض الكنانة

أجمل وطن وأمان

شفت الجبان




فى ليلة رأس السنة

وفرحانين كلنا



ندعى لرب السما

تعيش لنا مصرنا

يا مصر أمنا

ياست ست الكون




الحب ليك بجنون

عايش كده فى دمنا

يامصر هاتعيشى

بمسلم ومسيحى


الاتنين تملى اخوات

صوت آنين وآهات

من اللى عدى وفات

جثث ياناس ورفات

اختلطت الاعضاء

إيد مينا وراس بهاء

يامصر يا أمنية




رغم كل الابتلاء

الاتحاد طوق النجاة

الاتحاد مش رايه

الاتحاد غاية

ورعايه م الخَلاق

أوعى تقوللى هلال

ومعاه صليب متشال

أرفع تملى راسك




هاتبأه عال العال

وأرفع تملى راية


مكتوبة بعناية

دى أرضنا كنانة


ومذلة للاعداء

أحمد كمان ربنا


ع الحب والوفا

واللى عمل عملته

للشر كان مشتاق

دى مصر وشعبها




عمره مايبقى عراق

القاعدة مش عندنا

ولا ناسها دول مننا

الخير أكيد عندنا

كله بأمر الله

أحلف كمان بالسما

أكيد هانفضل سوا

ولا فرق بين أمنا

مصر ياناس الهنا

وشعبها أحرار

اكيد هايخدو التار

يا سيدى يا سيدى

فعلا مصر تستاهل اكتر واكتر من كده

مصر ليس لها بديل او ثمن
ولن يستطيع اى عدو ان يحرمها عزتها