بتخلي المسنود فرعون ............... يتفرعن فين مهما يكون
وتخلي الجاهل أستاذ ............... والأعرج لاعب جمباز
وتخلي الأحول هداف ............... والكوره الآوت ف الجون

للكوسه ف بلادي شئون
لو تعرف واحد ف الشرطه ............... راح تخرج من أجدع ورطه
والراجل اللي انت ظلمته ............... تلاقيه متلقح مسجون
أو تعرف شخصيه كبيره ............... شغاله ف البنك مديره
راح
تاخد من غير ضمانات ............... كام قرض بمليون مليون
وهروبك طبعا مضمون

ويا عيني لو تعرف نايب ............... ف المجلس مش نايب خايب
راح تبني أبراج وهميه ............... أوراقها مظبوطه أكيد
وفلوس الناس المهريه ............... حتجيلك م الجيب للإيد
بعديها تروح المستشفى ............... وتقيد نفسك مجنون
أحكامك تسقط ف ساعتها ............... بعديها ترجع موزون

ده للكوسه في بلادي شئون
ويا عيني لو تعرف شيخ ............... فجنابك طاهر علطول
وصيامك طبعا مقبول ............... وإذا فرضا حبيت تتجوز
تتجوز من غير مأذون ............... وإذا ساكن ف عماره جديده
وحبيبك راجل مسئول ............... فسيادتك من غير ما تقول
يركب لك فورا تليفون ............... ولو انت عندك عربيه
ونمرها سوده بنسرين ............... حتعدي أجدعها كمين
وحتكسر أوضحها إشاره ............... ماهو نمرك سوده جباره
ولا تعرف أيتها قانون

ده للكوسه في بلادي شئون
ولو انت بتعرف فران ............... أو واحد بياع جرنان
راح تاخد طلبك وحتمشي ............... من غير ولا دوشه ولا دور
والناس الغلبانه حتاخد ............... طلباتها بعدك وتغور
ماهو كله غيرك بيهون ............... ولو انت زميل الحلاق
راح تحلق اولها زبون ............... إذا كنت بتعرف دكتور
حتعيش
متطمن مسرور
وحتسلك ف لجان الشفوي ............... ومجال تعيينك موفور
وحتطلع فالتليفزيون ............... بالبدله وفيهاالببيون
تتكلم وبكل بساطه ............... عن شرف المهنه المدفون
لكن لو شاعر غلبان ............... قلت اللي ف نفسك علطول
حيقولو مين قال لك قول ............... ويهاجمك مليون إنسان والتهمه أنك فنان
مش برضه كلامي يا جدعان ............... حسينه.. ولا أنا غلطان
*******
مش معنى كلامي يا أحبابنا ............... إن إحنا خلاص اتغربنا
فيه فينا أشراف وكتير ............... إتربوا على حب الخير
وإحترموا ولادهم والغير ............... والناس إحترمتهم لله

ههههههههههههههههههههههههه
داحنا من غير الكوسه ولا نسوي
مشكوووووووووووووووور

طيب حاجه مماشيه البد داحنا منغيرها نضيع

ههههههههههههه
اشطه
يعنى دى حكومه الكوسه المحشيه
ههههههههه
يا رب ياخدوكوا على القسم دلوقتى

انت مش عاملى فيها صديق النائب

هتسيبنا نروح القسم؟؟؟

لو نيلك يا مصر صلصة ميكفيش الكوسة اللى فيكى

عايزين نعمل تصويت لشركه شبسيكو
تطلعلنا شيبسى بطعم كوسه الحكومه
معرفش الشركه دى بتعمل اى حاجه

ههههههههههههه
كله بقى كوسه ف كوسه وضعنا يامعلمين
لولوولولولولوى

فعلا كوسه البلد معتش فيها قانون كلها كوسه