بحبك وانا كمان

بعد بحث عميق و دراسة
متأنية قدرت انى أفقس 30 حيلة بيستخدموها الشباب -النص كُم – عشان يخلعوا
من الإرتباط و اللى غالبا بيكون السبب انهم شافوا شوفة تانية أو لإنهم
بيتسلوا أصلاً أو لإنهم مرضى نفسيين .. شئ جميل أوى لما يكون فى الدنيا
حاجة سهلة بالسهولة دي .. بس المهم انه يكون مش على حساب حد . حبيت ف
الموضوع ده انى أرد على حيل الشباب دول بالطريقة اللى يستحقوها .. .. بس
المهم انهم مفقوسين و خلاص .. أى خدمة

نبدأ بقى .. أهو كله بثوابه !!

[ 1 ]
ماما شايفالي عروسة و بتغصبها عليّا ) – كوتوموتو يا بطة
الرد : تعالى لحمو يا حبيبى ويا تري هييجوا يخطبوك امتي ؟؟

[ 2]

أنا لسه طالب باخد مصروفي ) – ياختي صغنن
الرد : طب بتتنيل ليه تتكلم في ارتباط منتاش قده يا كُتكُت ؟

[ 3 ]
أهلي بايعني و مش هيساعدوني ) – غلباااااااان أوى
الرد : و النبي صعبت عليّا

[4 ]

ما حلتيش اللضّا أتقدملك ازاى ) - يا حينى
الرد : مش لازم يا حياتى .. فيه اللي أحسن منك

[5 ]
مش لاقى شغل.. أبوكي هيرفضنى ) - مسكيييين
الرد : لما تلاقى يا صغنن ابقى دوّر عليّا

[ 6 ]

هسافر أكوّن نفسي و لما أرجع أتقدملك ) – أهى دقني لو رجع

[ندعوك للتسجيل في المنتدى أو التعريف بنفسك لمعاينة هذا الرابط]الرد : وده مع أنهو مشمش يطلع ؟

[ 7 ]
الجواز بيقتل الحب خلينا كده ) - عنده إستبحس
الرد : حبّك بُرص

[ 8 ]
مستوايا أقل منك ) - لسه صاحى م النوم
الرد : و بتكتشف ده دلوقتى و حياة مامى ؟؟

[ 9 ]
خايف مقدرش أسعدك .. خايف أظلمك معايا ) – واحد مستهبل أوى
الرد : قول كلام غير ده أصله بطل من زمان

[10]
كنت فاكر ان شعورى تجاهك حب ) – عايز الحرق يا مين يناولنى ولاعة
الرد : اه كنت فاكر انه بطيخة طلعت لمونة

وياترى عرفتها لوحدك و لا بمساعدة واحدة ؟؟

[11]

أفكارنا و دماغنا مش واحدة ) - قال يعنى مثقف
الرد : ده اذا كان لك دماغ أصلاً

[12]
المشاكل بينّا كتير مش هننفع مع بعض ) - مكتشف الذرة

الرد : غريبة مع انك أكتر مخلوق بيحب النكد

[13]
خلينا أصحاب أحسن ) – واحد مش لاقى حجة
الرد : متجيش على نفسك أوى كده اطمن معدتش أحب اعرف قرود

[ندعوك للتسجيل في المنتدى أو التعريف بنفسك لمعاينة هذا الرابط]

[14]
أنا طلعت مريض مكنتش أعرف ) – حجة مفقوسة أوى

الرد : ايه مريض ؟؟ ياخبر لازم أطمن عليك ياللا ع المستشفى

[15]

فرق السن بينّا يا خسارة ) – واحد عنده مشكلة ف الحساب أو ف عقله

الرد : لهو انت لسه حاسبه دلوقتى ؟؟ انت حمار يا حمار ؟؟

[16]
ربنا رايد فراقنا لازم نتقبل القدر ) – شارب حاجة أصفرة

الرد : يا أخى قدر لما ياخدك

[17]
مش عارف حاسس اني مستاهلكيش ) – موهوب جداً
الرد : شاطر بجد عارف قيمة نفسك

[18]
أنا مغلوب على أمرى ورايا جيش ) – ده على أساس انه راجل

الرد : وجعت قلبى يا أخى ! طب اخطبنى الأول يا فالح

[19]
طباعك وحشة مش مناسبانى ) – قليل الذوق
الرد : رضينا بالهم و الهم مش راضى بينا

[20]
أنا نويت أتنسك و اعتكف طول حياتى ) – و حياة سوسو طبعاً
الرد : و ماله يا حبيبى نتجوز و نعتكف مع بعض

[21]
كلام الناس أقوى منّا ) - شكله هيغنى و يلِّم الدبّـان
الرد : كلام الناس لا بيقدم و لا يأخر

اسمع جورج وسوف يا حبيبى و انت تغير رأيك

[22]
لازم الأول أحضر دراسات عليا عشان أبنى مستقبلى ) - اذا ليه مستقبل
الرد : ماشى موافقة نتجوز الأول و احضرهالك كمان لو عايز

[23][ندعوك للتسجيل في المنتدى أو التعريف بنفسك لمعاينة هذا الرابط]
لازم أستنى أخويا الكبير يرتبط الأول ) – شكله مالوش أخ أصلاً

الرد : و ماله أنا أركب دقن أقصد أركب باروكة و اروح أخطبه

[24]
أنا مكتئب مش عايز أكلم حد ولا حد يكلمنى ) – ينفع كومبارس عظيم

الرد : ياسلاااااام ! يعني مابتاكلش ؟ مابتشربش؟ مابتخرجش؟ مابتنطقش؟ هتعملهم عليّا

[25]
حاسس اننا مش لايقين على بعض ) - جاب التايهة الرد : فعلاً يا ميدو ايش جاب لجاب

[26]
مش هنقدر نكمل رغم انى عمرى ما هحب غيرك) - ممثل رائع
الرد : ياااا ده انت و لا أروع ممثل ! و ياترى جبتها من أنهو فيلم ؟؟

[27]
استنينى عشرة خمستاشر سنة أكوّن نفسى ) - مستهبل رسمى

الرد : اه و ماله هبقى أستناك أنا و عيالى

[28]
بحبكم انتو الاتنين أعمل ايه؟ ااخد مين؟ ) – متخلف عقلياً

الرد : يشفى الحمير و يضرك ! خدك عزرائيل

[29]
انكسر جوانا شئ عمره ما يتصلح ) – وديه الميكانيكى

الرد : فعلاً كسرت فيا حاجات كتير بس قادرة ألزقها

[30]
خلع من غير ولا كلمة ) - عديم الأصل و واطى أوى
الرد : مفيش- ياللا و لا يهمك الباب يفوت جمل مش صراصير بس

ههههههههههههه

تسلمي ياجميل

تسلم ايدك

ميرسى لمروركم نورتوا التوبك والله

» شباب وبنات
» شباب وبنات اليومين دول
» أنا مصرى انا ضد الارهاب يا شباب مصر

المنتدى الاسلامى العام

الشعر والرويات

عالم الكمبيوتر

مسابقات ولعب وفوازير

تحميل احدث الالعاب

(حكم وامثال)

صور جامده

الرياضه العالميه

{..عـآلـم الأزيـآء والموضـة ..}

السياحه والسفر

موبايلى

تصاميم والجرافيكس

بحبك وانا كمان

شباب ال30 حيلهــ