لو راكب فى باص او ميكروباص وجنبك حد نايم
اوعة تسيبة نايم
كل شوية اقعد قول وصلنا عشان يصحى مخضوض
ولو طنش ونام صحية وقولة انت مش نازل هنا بيتهيألى
ولو مش نايم متسبهوش فى حالة برضة
ركز ع سؤال واقعد اسالهولة كل شوية
زى انت نازل فين ؟ طب انت دفعت ولا لأ؟
ولو هو قاعد جنب الشباك جوة وقالك عدينى
قولة رجلى منملة مش قادر وخلية ينط زى القرد
او قولة متنزل من الشباك!!!!!!!!!!
ولو انت ف اتوبيس و قاعد ع كرسى وقدامك ناس واقفة
استمتع بقى و خد وقتك واتمطع وقول ياسلاااااااااام ع الراحة الواحد مكنش عارف هيعمل اية لو مش قاعد
طب لو العكس بقييييييييي
اقعد اسأل كل واحد انت نازل فين؟
وقول بصوت عالى(يا جماعة محدش نازل قريب.........اصل انا عايز اقعد)
طول مانت واقف قول كدة لحد ميقعدوك
لما الكمسرى ييجى ياخد منك الاجرة اسالة ع تمن كل مكان
يعنى قولةهو لغاية الحتة الفلانية بكام طب لغاية الحتة دى بكام؟
اسأل ع تمن كل الاماكن اللى تعرفها لحد ما يقولك ياعم خلصنى انت رايح فين؟
قولة مانا عشان ابقى عارف بس!!!!!!! وتقل ف العيار لحد مايسيبك و يمشى.
طب و لما يدى حد تذكرة ........ قولة ورينى كدة لو سمحت و اقعد اتامل فيها لحد ما صاحبها يزهق و يشدها منك
فى مفتش بقى ساعات بيطلع بيفتش ع التذاكر عالسريع وبينزل
انت بقى اوعى تديهالة علطول كدة .
دور عليها ساعة وحط ايدك فى جيوبك 100 مرة
هيقولك خلص يا استاذ. قولة ثوانى
كانت معايا واللة
واقلع الجزمة ودور فيها و فى الاخر طلعها من بقك و قولة مش قلتلك انها كانت معايا.
كفاية كدة بقى حرام المفروض تنزل قبل الناس ما تموت منك.
استنى رايح فين؟ حتنزل عادى كدة؟
وانت نازل حيبقى فى ناس واقفة اعمل نفسك مش عارف تعدى
وحاول تجاهد على قد ماتقدر و تضيع الوقت اللى تقدر علية
لحد الناس ماتشيلك وترميك بعد ماتكون جبتلهم السكر ورفعت ضغطهم
الإثنين يونيو 08, 2015 12:18 pm من طرف ربيع العمر
