عفوا الشباب المصرى غير متاح حاليا,
من فضلك اعد المحاوله فيما بعد

السلام عليكم ورحمه الله وبركاته

انا بصراحه ياجماعه بقى لى فتره متردد انزل الموضوع ده

بس يلا كده نقول (بسم الله الرحمن الرحيم) ونقراه مع بعض

هل أنت لاقدر الله مثقف؟؟

هل فكرت وغامرت واتهورت مرة وقريت كتاب؟؟

بتقرا حاجة غير مجلة ميكي ؟؟

عندك مصدر بتجيب منه معلومات غير قعدة القهوة و الكافتريا

واللف مع صحابك ع الكورنيش ؟؟

تعرف يعني إيه حزب؟؟

هل تعلم ماهى الليبرالية والفدرالية والإشتراكية ؟؟

يا ترى بتدخل ع النت ليه؟؟ عشان تتثقف؟؟

إذا كانت معظم إجاباتك هى ( لا ) لا تقلق عزيزي الشاب أنت طبيعى 100% ولا تحتاج إلى أي تحاليل أو إشاعات

فكل الدراسات والأبحاث تشير إلى أن الشباب المصرى عليه العوض و منه العوض وهو في أسوأ حالاته الثقافية في ظل أزهى عصور الحرية والديموقراطية والتقدم .......!!

- يعني احنا شباب تمام .... في العصر التمام -

طيب بصوا كده الدراسات دى بتشير لايه!!

80% لا يقرأون الصحف و70% من الشباب الذين يشاهدون التلفزيون..أنهم يفعلون ذلك بدافع الهروب وقتل الوقت

وتحتل البرامج الدينية المرتبة الأولى في قائمة البرامج التي لا يهتم الشباب بمشاهدتها بنسبة 64% - لا شباب متدين صحيح -

أما في الصحافة

الصفحة الأولى التي يهتم الشباب بقرأتها هى..صفحة "الحوادث" تليها "الصفحة الرياضية"

..وإذا كانت علاقة الشباب بالإعلام كأحد مكونات المجتمع المصري تبدو ضعيفة..فإن علاقته بالمؤسسات السياسية تبدو مصيبة..

ففي البحث الذي أجري عن ثقافة الشباب المصري ذكر أن 10% من الشباب لا يعرفون بوجود أحزاب فى مصر من الأساس- يا حلاوة!! -

و الكارثة بجد هى وجود أكثر من 74 % من الشباب لا يعرف اسم أول رئيس للجمهورية - محمد نجيب يعني -

وذكر أيضاً أن 19 % يظنون أن مصر فيها حزب واحد فقط - أكيد قصدهم على حزب النادي الأهلي - بينما أكد 17% من

الشباب أن عدد الأحزاب في مصر هو ثلاث أحزاب..وأكتشف البحث أن 50% من الشباب لا يعرفون عدد الأحزاب

الموجودة في مصر..مع العلم أن بها 22 حزب (يا ترى أنت كمان كنت عارف؟؟ ولا انت من الــ50%)

( مع إن الأحزاب في كل بلاد العالم تعتمد أصلاً على الشباب بشكل أساسي..ويستطيع الشباب من خلالها إقامة واسقاط الحكومات

فنجد أن الشباب الأوكراني وبالتحديد طلبة الجامعات هم الذين أسقطوا النظام الديكتاتوري في أوكرانيا من خلال ثورة شعبية أقامها هم

وهذا هو نفس سبب سقوط الحكومة في فرنسا حينما قام طلاب الجامعة هناك بمظاهرات حتى أسقطوا الحكومة عندما قدمت قوانين للعمل لا تناسبهم.. )

طب تعالوا نشوف ازاى الشباب المصرى بيستفيد من الانترنت

فحسب تصنيف مؤسسة أليكسا العالمية عن أكثر 100 موقع يدخله المصريون كان ترتيب هذه المواقع هى مواقع

الشات..والمواقع والمنتديات الاباحيه والعياذ بالله ثم مواقع تحميل الأفلام ومواقع نوادي الكرة ومواقع النغمات والبلوتوث ولم تشمل هذه القائمة سوى 4 مواقع إسلامية في حين أنها لم تشمل على أى موقع علمي!!!

فى وقت إن ناس غيرنا وشباب غيرنا هم اللي بيستفيدوا بمليارات الكتب والمعلومات الموجودة على الإنترنت ..
( عشان كده بيتقدموا.. )

فنلاقي مثلاً إن الهند تحتل المركز الأول على العالم فى البحث عن البرمجيات وده يفسر لنا ليه الهند هى الأولى على العالم فى صناعة البرمجيات الآن؟؟

طب و بعدين ايه اللى حصل

اللى حصل بقى ان الكلام ده قلق ناس جامد وعارضوه بشده فقالوا لازم يطمنوا ويتعاملوا مع الواقع وبلاش كلام

الاحصائيات الخايب ده ورفعوا شعار عمار يامصر و بلدنا لسه بخير و عايزنها تبقى خضرا ولازم يطمنوا علي الأرقام دي بنفسهم.. وعلى الشباب الجامعي المثقف..

فنزلوا للجامعة ( جامعه جنوب الوادى ) وعملوااستطلاع لعينة عشوائية من طلاب الجامعه

( 20 طالب )

وكانت النتيجة ان معظم الطلاب 17طالب يستخدمون النت للشات

وإن 15 طالب لا يقرأون إلا الكتب الدراسية ( ده إذا كانوا بيفتحوها أساساً )

ونسبة قليلة 3 طلاب يقرأون الروايات الأدبيه العظيمة مثل رجل المستحيل وملف المستقبل

( الحمد لله أهو لقينا حد بيقرا حاجة )

طبعاً مش لازم تبقى محمد حسين هيكل..ولا لازم تكون فهمي هويدي
( مصيبة لا تكون مش عارف دول كمان )

لكن على الأقل تكون فاهم.. وعارف .. وداري باللي بيجرا حوليك

فاهم العالم ماشي إزاي ومين عايز إيه؟؟

ومين بيعمل إيه عشان يكسب إيه؟؟

و مين كويس و مين وحش ؟؟

وقبل كل ده تكون عارف كويس..أنت عايز إيه؟؟

لأن فعلاً جهلنا في كل شئ خلانا أمة نايمة مش بتفكر ولا عايزة تفكر

.. دماغنا فاضية
.. مفيهاش أي حاجة
.. ولا أي قضية
.. ولا عايشين لهدف

.. وكل اللي نعرفه في حياتنا .. وكل معلوماتنا .. عن الممثلين والكورة

.. حتى ديننا منعرفش عنه إلا الوضوء والصلاة اللي اتعلمناهم واحنا صغيرين

.. فحين إن العالم كل بيتقدم بسرعة جنونية .. واحنا لسه محلك سر !!

.. يا ترى الفكرة وصلت؟؟ولا لسة؟؟

وملحوظه بسيطه بقى نسيت اقولها تبع الاحصائيات دى برضه

هاري بوتر هو اللذي اعاد الشباب المصري لقرائه الكتب وهو الكتاب اللي حقق اعلي مبيعات في مصر
بعدها تيجى سلسله كتب تفسير الاحلام و حظك اليوم و الابراج

يعنى بصراحه انا عارف ان اسلوبى هجومى شويه

بس ده واقع وممكن مايعجبش كتير وممكن الردود ماتبقاش كتيره

بس برده نزلته يعنى المعرفة بالشئ ولا الجهل بيه

وانا بعتذر على الاطاله

وجزاكم الله كل خير

80% لا يقرأون الصحف و70% من الشباب الذين يشاهدون التلفزيون..أنهم يفعلون ذلك بدافع الهروب وقتل الوقت


قوليلى لعمل اية يا دكتور

والله دى شوف انت لازم تعمل ايه يا زكى



ههههههههههههه

ودا بدل ما تشكرنى على مجهودى


على العموم نورة التوبيك

لا بجد طيب ده بالنسبه للشباب
طيب البنات الآنسات اللى بيقعدوا بالست
ساعات قدام المرايه وفى الاخر
بردة مش اللى هيه
ومبيعرفوش يدخلوا المطبخ وكل اكلهم دليفرى
ويعينى عللى بتسمع مسلسل تركى
يعنى خلاص الثقافة وصلت معاها وفهمت الاجنبى والفرنسى
ودخلت على التركى
وعدد لا حصر له من المناديل طيب ليه اصل البطل بيموت
ايه التفاهه دى ويقولوا الشباب فى خطر !!!!!!!!!!!!!!

هههههههههههههههههه


ردى علية يا سما

هههههههههههههه


طيب والحل

ياجماعه سما مش قصدها الشباب

يعنى الولاد بس

الشباب دى يعنى ولا وبنات

وال20 طالب دول مش ولاد بس

وبعدين ده مش حال شباب مصر بس

دى مشكله امه بكاملها غلبها الكسل والاعتماد على الاخريين

اللهم ارحمنا

وانا راىى ان كله ده عشان اننا بعدنا عن دينا ومعرفناش احنا عايزين ايه من حياتنا....

ولا تكونوا كالذين نسوا الله ...فانساهم انفسهم

ولا حول ولا قوه الا بالله

وميرسى يا سما

لا والله
مش عارفين من غيرك
كنا هنعمل ايه

فعلاً جهلنا في كل شئ خلانا أمة نايمة مش بتفكر ولا عايزة تفكر

.. دماغنا فاضية
.. مفيهاش أي حاجة
.. ولا أي قضية
.. ولا عايشين لهدف


صح يا سما الجيل دلوقتى شباب او بنات كلهم او معظمهم غافلين
ومافيش عندهم هدف فى الحياه عايشين وخلاص
مش هاممهم ايه اللى هيحصل بكره


موضوع جميل جدا يا سما
تقبلى مرورى

ميرسى ليكوا كتير على الردود والتفاعل دا



ملحوظة


لمستر هو



مشكل البنات بتعمل كدا ولا كل اشباب بيعملوا كدا

لا فى شباب وبنات كتير مثاقفين
ومميزين وعارفين ايه هدفهم فى الحياة

وانهم عاوزين يكونوا ايه فى المستقبل

وانا مش قصدة الشباب بس
انا كان قصدى زى ما قال استار البنات والشباب
يعنى مش قوة ان الشباب هو الوحيد الى بيعمل كدا ولا قولة البنات بس
لاء
انا جبت كلمة تجمع بين الطرفين


وميرسى كتير
ونورتوا التوبيك وميرسى على المرور المتالق دا يا استار وشهزاد ويا بست مستر ويا مسر هو

وارجوا ان يكون التوبيك قد نال اعجابكم



ميرسى










سما

هو مش بطال

بس فى شوية ملحوظات ابقى فوتى عليا فى المكتب عشان افهمهالك


وانا هسيب خبر للسكرترية

هههههههههه
طب قول بس ايه الملحوظات دى

مستر هو انت بجد هتتضرب وعلي فكرة مفيش بنت في مصر مبتعرفش تطبخ غير البنات الفافي بتوع بابي و مامي انا اهو عشت كتير فامريكا بل لسة راجعة منها بقالي اسبوع بس انا مش فافي واه شكلي فافي بس انا جادعة اوي دا غير ان شكلك هتضرب وربنة لاستناك تحت

تب وايه المشكلة ان النت ماتعرفش تطبخ تب وانتوا ليه ماتطبخوش يامستر هو وراكوم ايه ؟؟ الشات ولا ايه انتوا اطبخوا واحنا نشتغل ونصرف عليكوا

وانتى ياسوكا ماشاء الله عليكى ان شاء الله انتى الى هتغيرى مصر انا معاكى ان شاء الله هكون عالمة كيمياء وفيزياء اد الدنيا اكبر من ارشيميدس وزويل ونيوتن وكل الناس دى