بحبك وانا كمان

ايوووه والله قتيله فى شارعنا

موضوع محزن جدا

فى بنت صغيره فى المنطقه عندنا تم العثور على جثتها مخنوقه فى مكان كده مقطوع قريب مننا

طبعا الدنيا اتقلبت هنا وخصوصا مخصاصا قدام بيتنا لان اخر مره شوهدت الضحيه كانت قدام بيتنا اعتقد انى شوفتها قبل ما تموت برضو

طبعا البنت المسكينه الى امها يا عينى بتشوي سمك وابوها مبلط غلبان على اد حاله كانت لابسه حلق فى ودنها يجيله يجي ب 150 جنيه
وعشان المبلغ الطائل ده فقدت حياتها تمن لانها تلبس حلق من نفسها

طبعا دي قصه بتحصل كل يوم للاسف الشديد

لكن من يوم ما حصل كده والمباحث والامن ماليين الشارع عندنا وتمركزوا على رصيف بتنا تحديدا

وايه يا جودعان الشارع ماشي زي السااااااعه

لا في سواقين بيتخانقوا ولا بلطجيه عاملين فرده ولا ناس ملطعين على الارصفه

الشارع ماشي زي الفل

المهم انا بصيت كده لقيت بتوع المباحث قاعدين على رصيف بيتنا ومستقرين يعنى وبيشربوا شاي ويأزأزوا لب

ساعتها قلت يا حلاوه يا ولاد طيب ماهو ممكن اهو ؟؟؟

الامن والاحساس بان فى عيون ساهره على الامان ممكن اهو ؟؟

فيها ايه يعنى لما شله من المقاطيع دول يترزعوا هنا فى الشارع وفى كل شارع اصلا خصوصا لو زي شارعنا مليان قلق على طول زي شارعنا المبجل ؟؟!!

هو لازم تقع مصيبه وبلوى عشان تيجوا

طب ما تتهببوا تعملوا كده من الاول هو يعنى من قلتكم ؟؟؟

ده نص الشعب بقى امن دوله ومباحث وبيراقب النص التاني من الشعب ؟؟؟

طبعا احنا لو سبنا العربيه مش متغطية يوم هانصحى نلاقيها متأزأزه وواخدالها كام خبطه شمال ويمين (متأزأزه دي يعنى مسروق منها كل حاجه ينفع تتسرق )

وحصلت قبل كده مع ان فيها انذار ..........عااااااااااادي

وبابا اتقلب قبل كده فى الكاوتش الاستبن......... عااااااااااادي

وفى حرامي وربنا قعد اسبوعين كل يوم بالليل يلف على البيوت الى في الشارع يقلبها من على السلالم والاسطح ويسرق اي حاجه يلاقيها

انابيب بوتجاز او اي حاجه يلاقيها قدامه على السلالم

والناس كانوا بيشفوه ويجروا وراه وهو بيهرب من على الاسطح بتاعة البيوت

قلت مره لبابا طيب نكلم البوليس

قالي هايقولك امسكوه واحنا نيجى ههههههههههههههههههههههههه

قلتله طب ما الواحد يجيبله كلبشين ونأجر اوضه نعملها زنزانه بقى ونستقل وخلاص
ههههههههههههههههههههههه

تمام يا فندم الامن مستتب

مستتب خالص اوي جدا

بس خلاص خلص موضوع القتيله

وعلى فكرة مسكوا المجرم فى هذه القضيه وكانت واحده ست محترفه القصه دي ومسكوها وهى واخده بنت تااااانيه بس لحقوها ما ماتتش الحمد لله
وجابوها هنا الست الشارع ومثلوا الجريمه اه والله قدام بيتنا
الساعه 7 صباحا اتاري كانوا مستنيين بقى الظباط عشان تمثيل الجريمه
طبعا الملخص ده اورده ليا الفكاهاني الى كان اخر واحد شاف البنت وعم ابو بانوب الى قاعد بعربية كلينكس وما الى ذلك قدام بيتنا .
أي خدمه وقبل ما تيجى فى الجرايد يا جودعان

ربنا يرحمها ويصبر اهلها

ياااااااااااااااااه

تنفع فيلم

بس للاسف انها حقيقه

حسبى الله ونعم الوكيل

بس الحرامى ده حكايه

هههههههههههههه

ومع الاسف ده اللى بيحصل حقيقى

تسلم على الموضوع

تحياتى لك

عجبانى اوى المصطلحات اللى محطوطة زى

(متأزأزه دي يعنى مسروق منها كل حاجه ينفع تتسرق )

شكرا على الموضوع

لا اله الا الله حسبنا الله ونعم الوكيل

الشرطة فى خدمة الشعب ههههههههههههههههههههههههههههه

سهله واختها مش مستهله

عندى الابشع والاغرب كمان.......

لا اله الا الله

شكرا ليك على الموضوع

راااااااااااااائع

انا لله وانا اليه راجعون

مش هقول اكتر من كده

يارب انتقم منه

ربنا ينتقم منها

اميييييييييييين

المنتدى الاسلامى العام

الشعر والرويات

عالم الكمبيوتر

مسابقات ولعب وفوازير

تحميل احدث الالعاب

(حكم وامثال)

صور جامده

الرياضه العالميه

{..عـآلـم الأزيـآء والموضـة ..}

السياحه والسفر

موبايلى

تصاميم والجرافيكس

بحبك وانا كمان

قتيلة فى شارعنا .....يالهويز