قصه حياه








والله وانكتب علي الجبين حزنك
ولقيت نفسك بتحارب في همك
يا تري مين فيكم هو المغلوب
مين هيبقي عبره لكل القلوب
صعبان عليا الرمش اللي انجرح
اللي عمره ما عاش يوم في الفرح
من يوم نزوله في الدنيا ذاق
غدر خدش براه الصفاء
غدر خلاه عرف النفاق
قبل ما يتعلم معني الوفاء
كبر وعرف معني الدنيا
وكبرت في قلبه احزان جانيه
حاول ينسي اللي انكسر
وفعلا علي همه انتصر
فكر يدوق معني الاحلام
وعاش في حلمه مع الايام
وفجأه ضاع اكبر حلم
خلاه يعيش علطول في علم
خلاه يرجه تاني للهم
وبدأ يكبر في قلبه الظن
يشك في كل الناس حواليه
كانت الناس ديابه في عنيه
كبر في قلبه كره وشر
وايه اللي اساه غير المر
وفجأه الجرح في قلبه طاب
ونسي لمجرد لحظه العذاب
واحيا الحلم فيه من تاني
واحيا كل الامال والاماني
وازاي يعيش يوم في امان
ازاي يفرح وسط الاحلام
لازم يرجع للأحزان
لازم يدوق من الويل اطنان
واهو جه المرض أدي الغرض
أدي عذاب علي القلب انفرض
وكان ده نهايه الامر
وبرده كان نهايه العمر