السلام عليكم
ازيكو يااحى اعضاء النهاردة انا عايزة اخد رايكو ف حاجة وياريييت الكل يديني راية بصراحة بلاش اطول عليكو
انا هتكلم عن الصداقة وروعتها وجمالها وقد ايه هي مصدر سعادة وفرح هههه
المهم هديلكو تلت نماذج لصداقات روعة عن بنت واحدة صاحبتهم

اول نموذج البنت دي صاحبة واجدة واتعلقت بيها اوي وبقو يروحو وييجو مع بعض لدرجة ان الناس بقو يحسدوهو عالصداقة دي وفجاة وبدون مقدمات تيجي الاخت دي وتقول للبنت معلش انا عايزة اصاحب واحدة تانية اصلها طيبة اوي البنت تقلها طب وانا تقلها هنفضل زمايل بس تحسسها انها الجيرل فريند بتاعتها وانتهت اول قصة

تاني نموذجنفس البنت تصاحب واحدة وتتعلق بيها اوي بردة بنفس طريقة التانية ماحرمتش يعني وتحكيلها ع كل حاجة كللللل حاجة وتتفاجا مرة واحد تلاقي الحاجة اللي هي حكيتهالها عالملا يني ع عينك ياتاجر لا وايه ياريتها بتحكي صح لا دي بتحور يعني بتزود كلام والكلام دة ممكن يضر بسمعة البنت وتيجي تسالها تحلفلها انها ماقالت لحد مع ان هي الوحيدة اللي عارفة كل حاجة وتطلع نفسها البريئة الشريفة اللي ماعملتش حاجة وتطلع البنت بتتهمها وهي اللي غلطان وكدة انتهى تاني نموذج
تالت نموذج بقى واللي لسة طازة تحب واحدة وتتعلق بيها بررررردة يادي النيلة ماحرمتش وتقول لا دي مختلفة عن التانيين دي خام وطيبة ومالهاش دعوة بحد ولايمكن تعمل زي التانيين والبنت تقف جنبها ف مواقف كتير وتنصحها بحاجات كتير وفجاة تلاقيها بتقلها ماعدناش نمشي مع بعض تاني علشان البنت عملت حاجة زعلتها وغصب عنها يعني ماكانتش تقصدها خااالص والمشكلة انها عملت فالبنت موقف قبل كدة خسرها حد من اعز النا عندها والبنت عديتهالها وقالت معلش ماكلنتش تقصد وهي طيبة وعلى نياتها وتيجي هي تعمل فيها كدة
ممكن بقى حد يقولي البنت دي تتصرف ازاي مع الاشخاص دي لا وايه الاتنين الاوليين ييجو يترجوها ويقولوها انهم غلطانين ومن عبطها سوري يعني تصدق وترجعلهم دة يبقى ايه في حد ممكن ياامن لحد بالطريقة دي يارييييييييت تجاوبوني ضرووري
معلش طولت عليكو

بصى يا بيوتى مدام صحبتها دى ما استهلتش يبقى خلاص تبعد عنها ولا كانها عرفتها فى يوم من الايام وتنسى كل لحظة عاشتها مع صحبتها دى اكيد هيكون صعب بس هى ما حافظتش على حاجة يبقى برحتها هى اللى خسرانة

بصى لو انتى تعرفيها روحى صحبيها انتى

ههه

هو يعنى لازم تصاحب حد مش ضرورى

ده رأيى

ياناس انتو مافهمتونيش بردة قصدي من الكلام دة قصدي ان مافيش حد يستاهل ابدددددا يعني واحدة بس وحصل معاها كل
دة

ازاي ياقمر دانتي منورة التوبيك فعلا يازهرة انا البنت دي بس الطيب ف الزمن دة فعلا عبيط وقعلا انا غلطانة لما قلت عليهم اصدقاء بس انا كان بيتهيالي انهم اصحاب بس ليه كدة دول تلاتة ياناس تلاتة وكل واحدة العن من اللي قبلها لا والاخيرة دي اللي لايمكن كنت افكر انها تعمل كدة فيا بس مش هقول غير حسبي الله ونعم الوكيل في الظالم
وانتي فعلا ياقمر وصلتي للي ف دماغي ميرسي يازهرة بجد

عندك حق واللة يا بوب وزهرة الياسمين بردو كلمها يدخل الدماغ بجد
بس بصي يا بيوتي هقولك كلمة صغيرة علشان انا مريت بنفس الي انتي قلتية بس المواقف يمكن تكون هي الي متغيرة شوية
*مافيش صاحب يتصاحب*
هو دة كل الي عندي

عندك حق والله يادموع من اللي الواحد شافة
يابوب اسمع ايه من الطرف التاني دة حد جي يقلك ماعدناش نمشي مع بعض تاني
لا وانت مش غلطان ف اي حاجة تسمع ايه بقى
وانا مش بقول ان كله وحش في كويس بس قليل جدا

انا قلت ان السبب حاجة مش قصداها وغصب عني وهي عارفة كدة كويس جددددددا
ومع انها عملت فيا حاجة قبل كدة زي ماقلت خسرتني حد من اغلى الناس عندي وعديتها

يبقى اقدر اقلك ان دى عمرها ما كانت صديقتك

البوب جابلك من الاخر يا بيوتى

بالنسبه ليكى يابيوتى احب اقولك ان دول مش اصدقاء على حسب كلامك
وبالنسبه ليل بيقول مفيش اصحاب اختلف معاه تماما
الأصحاب والأصدقاء موجودين بجد لكن احنا ايلى بنختار غلط
وكتيرالبعض يقول صديقى خانى او كذا او كذا ده غلط لانه لا يقال عليه صديق
البيئه التى نعيش فيها تفرض علينا نوع من الأصدقاء لكن عندما نختلط بالمجنمع اكثر نستطيع ان نختار الصديق الصدوق
فأرجوا ألا نفقد الامل ونختار الصديق بجد (حب لأخيك ماتحبه لنفسك)
ستصفو النفوس ويزيد حبنا لبعضنا

اه موجود ياماجيك بس قليل جدا
فعلا ياجماعة هي عمرها ماكانت صاحبتي
عايزة اراء اكتر

ايه ياجماعة عايزة ردوووووووووووووود

اتحايلى علينا شويه
بصراحه انا ماعرفش الموضوع بيتكلم عن ايه
بس هشوفه ماتخافيش ههههههه

ممكن سؤال يابيوتي

انتي عاوزة ردود عشان مش عارفة تعملي ايه في المشكلة دي ولا عشان حاجة تانية

؟؟؟؟؟؟؟؟؟؟؟؟؟؟؟

بس في حاجة انا لاحظتها من كلام البوب ان فعلا مش ينفع نسمع منك انتي بس لان اكيد في احداث تانية واحنا مش عارفنها
ولا انا غلطانة

وبتمني ان ربنا يعديلك المشكلة دي علي خير ويوفقك يااااااااارب

ليه كلكم دايما لما وحده تقول موقف وحش ليها عن الصداقه تقولوا مش عاد فيه صداقه ولا ثقه ولا امان الاصدقاء والله العظيم فيه بس القليل جدا وياريت نعرف نختار
هى لسه مش عرفت تختار الصحبه الى تقولها اسرارها
ليه تظلموا الصداقه
هى الى تعمل فيها دا حاجه بسيطه
انا اتعمل فيا اكتر من كدا ولسه مستحمله لغايه دلوقتى الحمد لله انى مش موت لغاية دلوقتى منهم بيتخنقوا والله العظيم بيتخنقوا علشانى
بس عمرى ما هلاقى زاى صحبتى الوحيده الى ثقتى ومعنى الصداقه الى شوفته معاها
حرام تظلموا الصداقه هذا نموذج سئ لمعنى الصدقاه هى لازم تنسى البنات ديه
فى مثل بيقول اختار الصديق قبل الطريق
لازم نختار الصحبه الصح حتى لو دنيتك كام سنه

يا جامد انت يا جاااااااامد اية الحلاوة دي يا هبهوبة
اصل انا عندي اخت اسمها هبة وبحبها اوي وهي في الشرقية كمان شوفتي بقي يمكن تطلعو جران يا ريت تبعتيلي اميلك علي الخاص
ههههههههههه

انا عندنى كتييييييييييييييير اسمهم هبه فى الشرقيه اصحابى
بس ايه رايك مش هما ظلموا معنى الصداقه برده

انا قولت يا تقرمشها مضلعه يتاكل من العديه اربعه

؟؟؟؟؟؟؟؟؟؟؟؟؟؟؟؟؟؟؟؟؟

احلى حاجه فى الموضوع انى لاقيه روح جميله اوى
زى ما البوب قال لازم نسمع الطرف التانى
بس الاصحاب مش انك كل يوم تعرفى واحده ولا هوا دا رمز صداقه ابدا
مش ان لما يبقا عندك عدد كبير من الاصدقاء دا كويس
ممكن صديقه واحده بس تحافظ عليكى وتحبك اكتر من نفسها تكون بالدنيا كلها
وتتمنالك الخير قبلها وتحبك تشوفى احسن واحده هى دى الصداقه
مش اللى كل فتره تغير صاحبه ليها مسمينها صديقه
الصديقه تحافظ ع اسرار صاحبتها مهم حصل مهما حصل خلاف بينهم
سبحان الله اللى بيحصل دا بفكرنى بواحده كانت فى يوم من الايام عزيزه عليا
بس برده طلعت سرى لغيرى
وعرفت واحده صاحبتى ولما اتختلفو شويه طلعت سرها
دا طبع ومرض فى الشخصيه زى ما بيقول من شاب على شئ شاب عليه طبعا مفهوم
وانتى جايز يكون ربنا بيحبك وبعدك عنها قبل ما يحصلك ضرر
وانا برده بقول الحمد لله لان حصلى شبه كده

احلى حاجه فى الموضوع انى لاقيه روح جميله اوى
زى ما البوب قال لازم نسمع الطرف التانى
بس الاصحاب مش انك كل يوم تعرفى واحده ولا هوا دا رمز صداقه ابدا
مش ان لما يبقا عندك عدد كبير من الاصدقاء دا كويس
ممكن صديقه واحده بس تحافظ عليكى وتحبك اكتر من نفسها تكون بالدنيا كلها
وتتمنالك الخير قبلها وتحبك تشوفى احسن واحده هى دى الصداقه
مش اللى كل فتره تغير صاحبه ليها مسمينها صديقه
الصديقه تحافظ ع اسرار صاحبتها مهم حصل مهما حصل خلاف بينهم
سبحان الله اللى بيحصل دا بفكرنى بواحده كانت فى يوم من الايام عزيزه عليا
بس برده طلعت سرى لغيرى
وعرفت واحده صاحبتى ولما اتختلفو شويه طلعت سرها
دا طبع ومرض فى الشخصيه زى ما بيقول من شاب على شئ شاب عليه طبعا مفهوم
وانتى جايز يكون ربنا بيحبك وبعدك عنها قبل ما يحصلك ضرر
وانا برده بقول الحمد لله لان حصلى شبه كده