جزاكى انتى خيرا


لكن

هو باعها الاول ترجع له ليه؟؟

وهى المفروض كانت تستحمل وتضغط على نفسها وتبعد
مش يرجع لها تانى ويتحجج بالمزاكره والدراسه

وبعدين لو كانت مزاكره صحيح اللى بعدته عنها اكيد كان هيرجع كله شوق

ولهفه عليها ويكون عايز يكلمها

انما ده راجع بكل برود وعارف ومتأكد انها هترجع له

وانتى بتقولى رجع ولسه مرجعش

طب هى بقى تستنى ايه لما يجرحها تانى

ولا لما تستنى انه يقول عنها كلمه مش كويسه فى حقها

هى لازم تفوق وتشوف مستقبلها وتخاف عليه

لان زى ماهو بيخاف على مستقبله وكرامته

لازم هى كمان تخاف على مستقبلها وكرامتها

وعليها انهـا تبعد ومتفكرش فيه

علشان مترجعش هى اللى تندم



ميرسى على موضوعك يا هند

تقبلى مرورى


أميرهـ

نورتي ياميرو

ايه القسوة دى يا ميرو

اسمحيلى اختلف معاكى

انا شايف انها تديه فرصه تانيه ولكن

تحسسه ان رجوعه مش سهل وان هيا سامحته بصعوبه

وتعمله اختبار اى اختبار

وساعتها لو سابته تبقى مش غلطانه ولا تحس بالذنب

انه رجع وهيا الى سابته

صح ولا ايه ؟؟؟؟؟؟

لا مش قسوه يا ميدو

بس هو اللى كان بيلعب بمشاعرها الاول

وبعدين هى اديته فرصه تانيه بس رجع ومرجعش

تديله فرصه تالته ليه بدل هو مش محترم مشاعرها

وانا عن نفسى بقول اللى يتلسع من الشوربه ينفخ فى الزبـادى

وتحياتى تانى مره

شكرا لمروركم نورتوني

يجماعه سمحو الشاب ده لانه معزور برده
وعلى العموم هو انا الشاب ده

ايه يا هند بجد ؟؟؟؟؟

على فكره يا فارس

مش احنا اللى نعذره

هى اللى تعذر او لا

بس الشعور صعب اوى انك تحب حد

وفى ثانيه ينسحب من حياتك من غير ما تحس

ويرجع تانى بس اللى فى القلب هيقل عمره ما يزيد

طيب كان يقلها نو عنده مزاكره وهكون مشغول شويه هوا غلط فى كده بس

واديه رجع


موضوع جميل جدااا

ربنا يهدى النفوس

منور يا فارس

ايه رايك ياميرو

ياجماعه دوختوني وحيرتوني

اعمل ايه؟

ماشي يافارس

[color=red][b]أولا : انا كنت فى فترة امتحانات واتفقت معاها اننا مش هنكلم بعد طول الفتره دى عشان انا فى كلية تجارة المنصورة وكمان الفرقة الرابعه وعاوز اخلص وكليتنا تعتمد على مذكرة اخر شهر بس
ثانيا: هى وفقت على الوضع ده
يبقى فين المشكلة ؟؟؟؟
وبعدين لو انت زعلان منى يابلبل قول انا غلطان فى أيه بالظبط
وانت عارفه انى بحبك ومستحيل أبعد عنك

وشكرا على ردودكم الجميلة :::
وياريت ياأميرة النساء تحننى قلب البلبل علينا شوية

لو انت زي ما قولت اتفقتو علي الوضع دا

تبقي هي غلطانة

وبعدين عمر ما كان الحب بيضيع الوقت

بالعكس الحب بيفتح النفس علي المزاكرة ولا انت شايف اي

وبعدين علي راي احمد تعملو اختبار لو نجح في اوكي لو لا

كل شئ قسمة ونصيب

والله البلب الى يقدر يقول ان

كانوا اتفقوا ولا لا

؟؟؟؟؟

ايه يا بلبل

ياجماعه الفتره اللي هو سبني فيها قبل الامتحانات بتاعته اللي معرفش ايه سبب بعده عني

وبعد مارجع قالي انا كنت بعدت علشان المزاكره والامتحانات ورجع قبل الامتحانات

يبقي ليه البعد كان اصلا. والفتره اللي رجع فيها كان عامل زي ايام امشير متقلب معايا

وهو قبل الامتحانات طلب مني فعلا انه مش هيكلمني الا بعد الامتحانات وانا وافقت لاني اكتر واحده عايزاه ينجح اكتر من اهله

وبعدها رجع ومش رجع

طيب يعني اي رجع ومش رجع

وبعدين بصي هو لو مش بيحبك مش كان رجع

ولا كان قال انا الشاب دا ولا كان دافع عن نفسو

مرسي علي مرورك ياساره

طيب يعني اي رجع ومش رجع؟
يعني معايا ومش معايا دايما
وبعدين بصي هو لو مش بيحبك مش كان رجع؟
بيحبني ازاي ومش حسه بكده كل تصرفاته بتقول كده
لا كان قال انا الشاب دا ولا كان دافع عن نفسه؟
علشان كنت بحاول اعمل زيه
ايه رايك ياساره؟

انا من رايي يا بلبل انك تسمحية المرة دي واعمليلو اختبارعلشان تبقي مستريحة من جواكي

وان شاء الله ربنا يهديكو مع بعض

علشان خاطري المرة دي بس

علشان خاطرك ياساره

بس قوليلي ايه هو الاختبار

مرسي علي اهتمامك ياجميل

الف مبروك يا جماعه

هانت

فات الكتير ما بقى الا القليل

انا عندى اختلاف ف الراى هى مش تديلوا فرصة تانية رغم انها بتحبة بس هو تركها بمزاجة ورجعلها بمزاجة يعنى هى كدة مش عندها شخصية لازم تحسسة انة انسان عادى واكيد هتلاقى انسان يقدر حبها للشخص دة مش مجرد واححد يسبها ويرجع لها بمزاجة يبقى عمرة ما هيقدر يحافظ على الانسانة الى معاة طالما تركها مرة ياترى موافقين لراى ولا لاااااااا مشكورة كتير على الموضوع

بصى انلا عارفة ان كلامى صعب بس اكيد فى مصلحتك اللى يبيع مرة سهل عليه يبيع تانى وتالت وعاشر انا عارفة انها صعب تبعد عنه بس كده احسن لانها كل مرة وكل لحظة بتعدى بتتعلق بيه اكتر وكده هيكون اصعب بس صدقينى انا مريت بنفس المشكلة واكتر لان عندى كانوا عارفين الموضوع وبعدين هو بعد وياريت قلى نبعد لا ده بقى بيتهرب منى لانه بقى يكلم واحدة تانية ومش فاضيلى ولما سابته رجعلى تانى لرضه يترجانى اسامحه وللاسف فعلا رجعت ويارتنى ما رجعت لانه متغيرش ورجع تانى زى الاول وبعد تانى ورجع تالت وانا معاه سواء كان معايا او ناسينى بس انا تعبت لانى مكنتش عارفة انه فعلا بيحبنى ولا لآ وخفت منه يسبنى عاشر لوحدى بعد متعودت عليه وبقى جزء منى صدقينى والله انا لما بعدت عنه ارتحت كتير جدا عن الاول اه مش مية فى المية بس احسن كتير من وهو معايا الاول الموضوع صعب بس احسن بعد فترة والمهم انك تصرى على رايك حتى لو راجعلك اوعى تتضعفى تانى ابدا وافتكرى انه باعك مرة وسهل يبيع مليون ومش هتفرقى عنده لو سبتيه مهما قلك اسفة بجد لو كنت طولت عليكى