اهرام اخبار جمهوريه.........


حشرة لزجه بتقول البلد فيها فتنه طائفيه.

قرأت الخبر بزهول من بجاحه الوزيره اللى هيه.

بتكلمى عن ايه يا شاطرة دى ما كنتش غير حادثه فرديه.

بس ياخسارة عقلك المريض صورك انها لقيه.

يا ناس حرام عليكم مش قادرين ليه تفهموا النظريه.

مصر طول عمرها نسيج واحد من ايام الحملات الصليبيه.

وثوره 1919 الهلال والصليب رسموا لوحه قويه.

بلغى الريس بتاعك ان شعب مصر عايش ملحمه وطنيه.

وان كنتم لقيتوا خونه واحد ولا الف مش هايغيروا سبعين مليون اراده مصريه.




اهرام اخبار جمهوريه.........


وجدوا ان مافيش فايده من النغمه اللى هيه

قالو ا خلاص نلعب على قصه الديموقراطيه

قلت وانت مالك يا حشره دى سياسه داخليه

طول عمرنا شعب حر مش محتاج وصايه خارجيه

بارادتنا نبنى مستقبلنا او نغير سياستنا واهى عيشه هنيه

بس نعيش باراده من جوانا احسن ما نعيش باراده اجنبيه

بس انتم قولو لى الاول ايه مفهومكم عن الديموقراطيه

هل هى معتقلات جوانتانامو ولا سياسه الارهاب الدوليه

ولا قصدكم العراق بعد ما بقى واحه للديموقراطيه

سنتين قتل وتخريب وانتهاكات دوريه

ولا انتم اقصدكم نموذج الديمقراطيه الاسرائي.....

فعلا اللى اختشوا ماتوا وهو ده حال الانسانيه