هذه القصائد مما راق لي من الذائقه
اتمنى أن ترقى لحسن ذائقتكم



((حفنة قلق )) شعر فهد السطامي


لليل حفنة قلق.. وأعصاب منهاره
.......دخان.. وأوراق ملمومه ومنثوره
والقلب.. كنّ الأسى يعزف على أوتاره
.......مرثيةٍ من زمان الياس محفوره !
ياكثر ماقلت : باكر تشرق أنواره
........ويمرّ باكر وكنّه أمس بالصوره!!
ماغير حزنٍ تنامت فيني أشجاره
.....لولا فحيحه.. لآقول : الروح مقبوره ؟؟
من يوم دقّ النوى فالبال مسماره
.......والذاكره من جفا الأصحاب ممطوره !
كم لي وانا بين سيف الهم وأنضاره
.......أنسج من الحلم غصنٍ مات عصفوره !
محصور بين الأرق والصمت وغباره
..........في عالمٍ كنّه الحرمان ديجوره !!
من وين أسافر.. ودربي تآهت أخباره
.......والرغبه اللي تشيل القلب مكسوره ؟
ياجارة القلب.. عذر القلب.. ياجاره
.......إنّ الليالي على مثلي غدت.. عوره؟!




((ياحلوتي)) - شعر منصور المشيقح - المهاجر


ياحلوتي مافاد حزني ولا بكاي
ومافاد دمعٍ لأجل عينك بكيتة
الياس يرمي أسود الهم بحشاي
والحلم بأيدي للليالي رميتة
من كل عقلي أرسمك داخل الماي
ومن كل قلبي أنجرح لامحيتة
جيتك وشايل في ضلوعي هداياي
وحلمٍ كبير ومن جروحي بنيتة
ياهي حزينة قصة الدمع والناي
والشاعر اللي في جنوني نخيتة
ماعاد تغري ضحكة الحب في شفاي
من يوم ماصك الأمل باب بيتة
أو أه يومٍ جيت لك أسبق خطاي
حتى زهورك للأسف مالقيتة
كني أحس أن التعب قال أنا جاي
ومن دون روحي جبت روحي وجيتة
لاتاخذين الجرح خلية وياي
أذكرك فيه ولاذكرتك نسيتة
وأنتي دخيلك لاتذكرتي بكاي
قولي عطاني بيت ياما قريتة


( تخـيّل .. ) شعر أحمد الناصر الأحمد


تخيّل .. مولد الفجر .. انتصاره.. وانهزام الليل
تخيّل .. وش أحاسـيس الصحاري .. لا اصبحت .. غابه
تخيّل .. دمعةٍ حـيرى .. حضنها العطر .. بالمنديل
تخيّل .. موسـم الحـظ الكبير .. وخـيبة.. النّابه
تخيّل .. دائرة ظـلمه .. غـزتها.. شـعلة القنديل
تخيّل .. عـودة المنفي .. شـعوره .. لهفة احبابه
تخيّل .. كل حـبّات الرمـل .. واحساسها .. بالسيل
تخيّل .. عن طـمأنينه .. تشـعّ .. بنفس .. مرتابه
تخيّل .. عن ذيول الفكر.. ضعف الشعر.. موت الحيل
تخيّل .. عن ذهـول انسـان .. ما يدري وش اسـبابه
تخيّل .. والقلق .. أرض المعارك..والجـروح الخيل
تخيّل .. لحظة الفرحه .. قـريبه .. بس .. مرتابه
تخيّل .. لو غـدا بكره.. رهـين .. بقبضة التأجيل
يقضي المنتظـر .. عـمره .. ما بين وعـود كـذّابه
تخيّل .. أو بلاش .. انك تخـيّل .. واخـتصار القيل :
اذا ضاقـت بك الدنيـا .. وعـاندك الزمن .. جابه


((مما جرى)) شعر عبد الله العليوي رحمه الله


مما جرى ياصاحبي لا تكدر
حزني طبيعه ماتعودت الأفراح
الصبر ينفذ والغرابيل تكثر
صار الأمل للياس والهم مفتاح
ابكي شبابي وأشتكي وأتذكر
وقتٍ مضى ليته توقف ولا راح
ابكي شره وابكي ندم واتعبر
من حر مابي ليت من مات وارتاح
طبع الو فاء ياناس فينا تغير
حتى الوفاء مسكين من غدرنا طاح
الله معك مابيك مني تعذر
يكفين عنك اسهيل والطير لا ناح
يمك حدان الشوق ما ني مخير
واللي حداه الشوق معذور لو صاح

جامد

اوي

ثانكس

مما جرى ياصاحبي لا تكدر
حزني طبيعه ماتعودت الأفراح
الصبر ينفذ والغرابيل تكثر
صار الأمل للياس والهم مفتاح
ابكي شبابي وأشتكي وأتذكر
وقتٍ مضى ليته توقف ولا راح
ابكي شره وابكي ندم واتعبر
من حر مابي ليت من مات وارتاح
طبع الو فاء ياناس فينا تغير

ميرسى يا ايمااااان

رااااااااااائع ميرسي

مررررررررسى للمرور